【Day 11】
想了解呢個世界多D有時除左親身踏足當地外，其實從別人口中都可以知道更多。
係hostel度遇到兩位就要入伍訓練既韓國仔，佢地講左好多關於訓練既事俾我聽。
整個訓練需時兩年，係21-25歲其間必須入去操，你無得揀唔入。入到去由星期一操到星期日，日復日操四個月左右就可以番屋企五日休息下(唔知有無記錯)。
聽到呢度心諗，係香港地呢段時間係工作同拍拖既黃金時期，即刻問呢兩方面點平衡。點知答案係好多韓國男性都係大概27歲左右先開始做野，但要用十年時間先可以升做senior，62歲就退休。拍拖既話如果入伍前有女朋友，大概有90%操既期間都會俾女飛，有5%操完出黎就分手，仲有5%，恭喜你，你有機會keep到落去。佢地仲話拍拖拍到兩年係韓國已經算好長。
而韓國買樓都同香港好似，結完婚生仔買樓都係要借錢。做老師或者公務員一般要還15年先還完。私人機構人工高小小可能十年內就還哂。
仲有就係原來韓國男人唔太鍾意整左容既女士，而且仲話所以女名星都整過容。
拿，以上只係從兩位韓國人口中得知，準確度有幾高你自己衡量啦。
即刻講番句：呀Lee呀謝唷!
Blog：http://backpackersopoor.blogspot.hk/
Blog:http://blog.ulifestyle.com.hk/blogger/backpackersopoor/
Search